Bielemanstoespraken Hummelse kermis 2012

Rentmeestershuus:

Jullie zult ut in ut informele roddelcircuit al vast wel hebben vernommen
Moar an ut dienstverband van vendelier Evert en bieleman Japh zal noa vandaag een einde kommen
Evert hef in totaal 27 joar ut vaandel van de schutters met verve wetten te sloan
En Japh hef 20 joar lang met een botte bielemansbiel en een vliemscherpe pen in de anslag gestoan
De opvolgers van disse beide mannen meugt wi-j inmiddels ok al wereldkundig maken
Ard Rexwinkel zal het vendeliers stokje van evert oavernemmen en Dimitri Vlake zal hummel met diepzinnige bielemansteksten goan raken
moar veurdat Evert en Japh vanmiddag achter de viskroam bi-j De Krint goat zitten brullen en janken
wilt wi-j disse vendelier en disse bieleman eerst nog veur hun trouwe dienst onmundig hartelijk danken!

Dokter:

Onze geneesheer wet donders goed wat hi-j mot doen um baas in andermans buuk te blieven
Disse Paus van Keppel is tegen elke vorm van anticonceptie en is ut laatste joar menig dame zien zelfontwikkelde 'mast-pil' an ut veurschrieven
Niet alleen op medisch vlak moar ok op andere gebieden hef disse kwakzalver twiefelachtige reputaties
Zien sportieve prestaties strookt ook nog lange niet met al zien ambities en aspiraties
Ut afgelopen joar raakte disse tobsporter bi-j ut minste of geringste al geblesseerd
Dan een gebrokken enkel bi-j een afstapje van twee millimeter, dan een scholder uut de kom as hi-j met schaatsen weer 'ns an de bek is gepleerd
Desondanks meent disse medicus nog steeds dat weinig alcohol en een oavermatig getraind lichaam de basis bunt veur een gezonde geest
Terwijl wi-j bielemans van mening bunt dat een frisse hersenpan ut gevolg is van een weakelijks portie stevig feest
Um onze stelling kracht bi-j te zetten wilt wi-j Jeroen doarum uutneudigen um dadelijk bi-j 'FF noar Steef' samen met de bielemans ut beumke um te hakken en oaver ut asfalt te rollen
De twee superslanke bielemans wilt wel 'ns zien of zien lichaam en geest echt zo sterk bunt as hi-j op ut asfalt onder ut gewicht van André Nijman ligt te tollen

Jeroen, maak ow de pens moar nat!

Spar:

Fransje Dennengeur is dit joar al vieftien joar de c.e.o. van het Hummelse Sparrenbos
En ondanks dat hi-j oaver twee joar met pensioen geet hef hi-j de oren en ogen nog steeds goed los
Stilstand is achteruutgang is het devies van disse boerenslimme kruidenier
Frans zuukt ut in serviceverbreding en noa de verbouwing van afgelopen joar hebt ze now bi-j de Spar een mega-apotheek met zalfjes en Chefarine Vier
Noast kruidenier is Frans now dan ok nog eens een begenadigd apotheker
En veur een kwaaltje ku-j now dus prima noar de Spar, doar slaag i-j zeker
I-j kunt ut zo gek niet bedenken: veur spataderen, obesitas, trombose, staar, vaginale afscheiding of kloeten in ut zoad
Goa noar dokter Frans: dokter Frans wet road!

Dominee:

Hummel is met de komst van Elise Roth weer gezegend met een kerkelijke veurganger
En in vergelieking met de veurgoande preakers blif disse Dominee hoppelijk wat langer
Sinds destieds dominee Dun hew in Hummel nog nooit zo'n jonge dominee gehad
En of ze capabel is wet wi-j niet moar bliekboar huldigt ut kerkbestuur ut motto: ut oog wil ok wat
Doarnoast is ut ons een roadsel hoe zo'n jongedame uut 's-Heerenbarg in hemelsnaam in Hummel kan belanden
Moar volgens bronnen binnen datzelfde kerkbestuur beschikt disse preaker oaver magische golden handen
De ni-je Dominee steet desondanks veur 70% vanaf de kansel ut goddelijke woord töt de hervormde gemeente in de rondte proaten
ut hoogbegaafde kerkbestuur wet namelijk donders goed da-j ut echte preaken better an de bielemans oaver kunt loaten

Heinekendaal:

Vanuut ut Heinekendaal kwam ut vriendelijke doch dringende verzoek um dit joar niet oaver incontinentie en dat soort zaken te proaten
Want dit joar zol de 'echte' directeur Kees Schetters met de kermis noar Hummel kommen en of wi-j dat dan asteblief achterweage wollen loaten
Now bunt de bielemans niet de lastigste en kunt wi-j alhier bi-j dit Verbanninksoord genog berichten oaver het hectische reilen en zeilen
Moar as de lift in een joar tied negen keer vast kump te zitten dan kunt wi-j ons veurstellen dat ut personeel toch af en toe wat urineverlies van de liftvloer mot dweilen
As bielemans wilt wi-j 'echte' directeur Kees wel efkes de wacht an zeggen
Ut wurt now toch wel de hoogste tied um ut verplegend personeel 'ns een keer goed in de watten te leggen
Want a-j ut personeelsfeest drie keer uutstelt dan vuult ut personeel hier zich aardig bedretten
Dadelijk goa-j nog menen da-j de Hummelse Kermis ok zo moar drie keer noar een andere doatum kunt verzetten
Bedenk ow deurum goed dat niet alleen bi-j bier moar ok bi-j een directeursfunctie de holdbaarheidsdoatum eindig is
Want as ut bier hier oaver doatum is dan is ut veur ow einde oefening: de schutters zoept namelijk echt geen kattepis

Burgemeester:

Ut dut ons deugd dat onze burgervader dit joar wel de moeite hef genommen um zien persoonlijke vendelhulde te ondergoan
En dat hi-j doarmet ok wet te veurkommen dat de gemeente Bronckhorst wederum in Hummel met de bek vol tanden zol stoan
Onze burgemeister zal wel gedacht hebben dat hi-j ok op de Hummelse Kermis toch moar 'ns acte de présence mos geven
zeker now hi-j d'r bi-j de gemeente nog een ambtstermijn van zes joar bi-j an hef wetten te kleven
Wi-j adviseert 'm dan ok um ut niet alleen bi-j vandaag te loaten moar um ok gedurende de rest van de ambtstermijn de traditie van de vendelhulde weer in ere te herstellen
Anders zal de toorn van het Hummelse volk genadeloos wean en zult de bielemans het vernietigende eindoordeel goan vellen
Wi-j hopt dan ok dat disse burgervader zich ut advies van de bielemans goed in de oren knooit
Zo niet dan geet Aalderink de geschiedenis in as burgemeister Jezus: i-j heurt d'r veul oaver, moar i-j ziet 'm nooit!

De Veldhof:

De bielemans hebt de indruk dat ut hier op het plein van de Hummelse vrede flink hef gerommeld
En dat de onderlinge relatie tussen de bewoners hier in Hummels oldste ni-jbouwwijk aardig is verfrommeld
Ok dit joar hebt ze hier namelijk weer gewoon verse koffie gezet en fijne breudjes gesmeerd
De bielemans smeekbede van veurig joar um een patatje oorlog op de Veldhof hebt ze dus bliekboar op een geheel andere manier geïnterpreteerd
Pleinkoning Piet Pasman hef in al zien dadendrang totaal niet op kroonprins Victor Ebbers stoan letten
En dat terwijl disse anstormende eerdappelboer grote plannen had um op dit vief-en-dertig-joarige plein een dampende vetwagen neer te zetten
Wi-j hopt dan ok dat Piet en Victor hun vete bi-j wilt leggen en zich veur de kommende joaren wel deur de bielemans wilt loaten adviseren
Want ok op de Veldhof kun i-j noast breudjes en koffie heel goed patat met frikandellen serveren!

Hoe vetter hoe better!

FF noar Steef:

De uutbater van de Hummelse Veltins arena hef wel 'ns de neiging um wat gestressd of nerveus te reageren
Moar as hi-j alleen is um hier in de zaal een feestje veur te bereiden dan zit hi-j een heel stuk lekkerder in zien schaapskleren
Noast Bennie Jolink hew met Steef namelijk nog een verdienstelijk zanger in Hummelo
Want Steef hef in de leuge zaal de onbedwingbare drang um zonder publiek met te doen an zien eigen 'Steef Soundmixshow'
De bielemans bunt dan ok zeer beni-jd noar Steef zien zangtalent
En nog veule meer of hi-j ok de Kermisklassiekers van binnen en van buuten kent
Wi-j wilt Steef deurum ok vroagen um veurop te goan in ut gezang en ons met zien zangtalenten kennis te loaten maken
En of hi-j samen met ruiters en schutters bi-j ut lied 'bun zo bli-j dat Hummel besteet' de juuste toonhoogte wet te raken

De Krint:

Ut afgelopen joar was ut een alderbastend vremd joar hier op dit adres
Want ut is veur de familie De van der Schueren een joar van emotionele uutersten gewes
Eerst kwam ut ni-js dat Elisabeth en Robert in bli-jde verwachting waren van een kleine donder
En doarnoa kwamen de medici met het bericht dat Caspar niet meer hoefden te rekkenen op een wonder
Geluk en verdriet hebt hier bi-j De Krint dit joar dan ok parallel oaver het leavenspad geschreden
De gelukkige geboorte van Hanne in Mei wier helaas oaverschaduwd deurdat vlak doarnoa Caspar is oaverleden
Rita en Elisabeth hebt dan ok een uutdrukkelijke wens uutgesprokken noar anleiding van disse malaise
En loopt deurum vandaag beiden niet met de schutters met in de polonaise
Töt slot wilt wi-j Rita en Elisabeth en dezelfde familie dan ok het allerbeste veur de toekomst wensen
En wilt wi-j iedereen hier um een daverend applaus vroagen veur disse beste mensen


Weerwoord Jeroen Mast:

Erik,
Na 20 jaar bielemansleven,
ga je de pijp aan Flake geven.
We zullen nog eenmaal jouw woorden in onze oren floepen,
zodat je nu voor altijd onder de vleugels van Gerdien kan kroepen.

We dachten zo dat jullie tekst over ons grote aantal nazaten zou gaan,
Japh, de mastenpil zou jou ook niet mistaan.
De achterhoekse vergrijzing komt er an,
1 kind is onvoldoende man,
een pil voor de vrouw en dr'an!!!

Lijkt erop dat bielemans André al teveel mastenpillen heeft gesnoept,
ben benieuwd wanneer hij z'n onbevlekte drieling eruit poept.

Erik, wie moet er na jou al die fraaie teksten schrijven,
we horen dat jullie opvolgers onder de plak zitten bij hun wijfen.
Jelle hokt nu op de huet,
Jelle, een mastenpil erin en trek er op uut.

Alle hoop op rock en roll Flake,
zal hij de juiste woorden weten te raken.
Flake, gefeliciteerd met je bielemansbaan,
we hopen elkaar over een jaar met Dreteler-achtige teksten om de oren te kunnen slaan.

Erik bedankt voor jouw aandeel in ons kermisleven,
respect voor je adremheid, dwaze woorden en alle inzet die je al die jaren hebt gegeven.
Na veel grollen en grappen,
om met jouw woorden te eindigen: pluk de dag en vol dr op knappen!