Afdrukken

Rentmeestershuus:

Al joaren hebt wi-j d’r oaver gezeurd, genöhld, gedramd en geproat
Moar dit joar is ut dan echt de laatste keer dat wi-j met Henkie as Bieleman hier veur jullie stoat
Ok Dries nemt noa joarenlange dienst dit joar afscheid as chauffeur van de Bielemanswagen
Moar ondanks al dit droevige ni-js hebt wi-j ok nog iets wat jullie wel zal kunnen behagen
Rinaldo Klein Bleumink zal vanaf 2012 met de Bielemanswagen deur ut darp hen donderen
En as klap op de vuurpiel is Jelle Huntelaar volgend joar as de ni-je Bieleman te bewonderen
Wi-j wilt jullie vroagen um in Henkie’s laatste joar de boel niet te goan verzieken en verzouwen
Moar loaw in plaats doarvan vandaag met zien allen een gruwelijk mooi feestje goan bouwen
Töt slot wilt wi-j Henk en Dries vanzelfsprekkend nog bedanken veur hun joarenlange bevloagen prestatie
En wi-j vindt dan ok dat disse beide klasse kearls recht hebt op een minutenlange oorverdovende stoande ovatie!

Dokter:

Disse vrolijke kwakzalver steet ok wel bekend as de Sonja Bakker van Keppel
Want Jeroen spaait hele dagen alleen moar gruunvoer noar binnen met zien golden leppel
Onze bloedfanatieke medicus is met zien dieëten zo langzamerhand volledig an ut oaverdrieven
En ut zal ons ok niks verbazen as hi-j de twee dikste Bielemans één of andere saladevariant veur geet lopen schrieven
Disse bolleboos kan wel menen dat hi-j de wieshied in pacht hef en met zien bul ons kan oaverklassen
Moar zelfs op doktersadvies goat wi-j hier in Hummel onze leavensstijl echt niet an die van Keppel anpassen
Wi-j vindt ut eigenlijk al zo-zo dat veur een elders residerende arts in Hummel ut vaandel wurt geslagen
En zeker aw hier vandaag ok nog ‘ns as een stel konienen an een blaadje sla motten goan knagen

Dus Jeroen: Bier mot d’r kommen!

Spar:

Fransje Dennegeur is in Hummel een graag geziene gast en dat dut ons zeer deugd
Boavendien is ut ons ok opgevallen dat hi-j plankgas is begonnen an zien tweede jeugd
Zo meent disse kruidenier dat hi-j altied töt sluutingstied en as enige in ut café mot blieven
En uut recent onderzoek is ok nog ‘ns geblekken dat hi-j as een echte Grolsch liefhebber is te umschrieven
Helaas veur ‘m is een nabi-j geleagen café onlangs op ander bier oavergegoan en kan hi-j doar niet meer um zien favoriete biertje roepen
Moar doarveur hebt wi-j een geweldige oplossing: Frans, kom dalijk moar fijn onder de Bielemanstap een flink aantal liters Grolsch noar binnen zoepen

Heinekendaal:

De kwaliteit van de verzorging in dit Verbanninksoord is kloarbliekelijk een succesverhaal
Want de gemiddelde leaftied van de bewoners is as een komeet umhoog geschotten hier in ut Heinekendaal
Ok hef ut personeel sinds joaren eindelijk niks meer um oaver te klagen of te zeuren
As ze wat wilt dan hoeft ze moar met de vingers te knippen en dan kan ut al gebeuren
Wi-j hebt dan ok sterk de indruk dat de directie van dit Oldere-Jongeren-Centrum de boel aardig op de rit hef gekregen
Wi-j hopt alleen wel dat al dit succes in dit Verbanninksoord hun niet noar de kop is gestegen
Ze bunt wel heel veurbarig as ze now al pocherige praatjes goat stoan verkopen
Moar ut succesverhaal is pas echt compleet as ut vandaag ok vlekkeloos is verlopen
Want as de koeling vandaag weer niet veur mekaar is dan mot wi-j toch ‘ns ernstig met de directie goan babbelen
Wi-j hebt namelijk echt geen zin um ieder joar weer an zo’n lauwe fles bier te motten sabbelen

Burgemeester:

Met onze burgervader wurt ut zo kalmpjes an wel een heel langdradig gebed zonder end
Want ok dit joar is burgemeister Aalderink hier bi-j ut Heinekendaal weer niet present
In diverse promoblaadjes oaver de gemeente Bronckhorst lup hi-j wel oaver de prachtige tradities in disse gemeente te reren
Moar diezelfde tradities kunt disse wolf in schoapskleren eigenlijk geen ene zak interesseren
As Aalderink ut volgend joar weer presteert um op de Hummelse Kermis niet op te kommen dagen
Dan is ut wat ons betreft dit joar de laatste keer gewes dat wi-j veur disse cultuurverwoestenaar ut vaandel hebt geslagen.

Woarvan akte!

De Veldhof:

Wi-j wetten niet of jullie ut allemoal ok al hebt geheurd
Moar op de Veldhof is dit joar zowaar WEL wat gebeurd
Met de komst van een twintiger is de verjonging van Hummels oldste n-jbouwwijk in ieder geval in gang gezet
En disse ontwikkelingen brengt op het Piet Pasman Plein (P.P.P.) misschien ok wel veranderingen met zich met
En ok al vindt wi-j de breudjes, koffie en de hele santekroam alderjekers fijn
Moar een patatje zal ons ok best smaken op het Victor Ebbers Eerdappel Plein (V.E.E.P.)

FF noar Steef:

Die Kneipe ‘Ebentjes nach Stäf’ hat das letztes Jahr eine Metamorfose untergangen
Und ist eine sehr schöne Platz geworden um ein bischen rund zu hangen
Für zwei Wochen her hat die Direktion von ‘Ebentjes nach Stäf’ plötzlich beschlossen um ein ander Bier zu spritzen
Aber wir Bielemans finden das nicht zum lächeln: Stäf das sind kein Witzen
Bieleman André ist die letzte zwei Wochen sehr traurig und ganz überstür
Und auch die Bevölkerung von Hoemmelo ist von Slag und hat keine Wörter dafür
Wenn wir Grolsch drinken wollen können wir nur noch nach die Hoemmelose Heide nach Kampfplatz Jena
Weil echtes Bier gibt es nicht bei ‘Ebentjes nach Stäf’ oder sollen wir sagen die Veltins Arena?

De Krint:

Zo as ut plichtsgetrouwe Bielemans betaamt hebt wi-j onlangs de Krint bezocht um de Bielemans opvolgers veur te stellen
En in een donker achterkamertje hebt wi-j an de patron van disse herberg ut ultrageheime ni-js an ‘m lopen vertellen
Wi-j hebt disse herbergier dan ok uutdrukkelijk verzocht um dit alles veur zich te hollen, s.v.p. en asteblief
Moar nog geen half uur later was ut hele café bi-j Steef al op de heugte; het lik ja wel een wief
Gelukkig wurt dit joar Queen Elisabeth de officiële uutbater van de Krint en hebt wi-j vanaf dan met heur van doen
En wi-j hoppen dan ok dat zi-j is gezegend met iets meer discretie en fatsoen
Dus Elisabeth as wi-j volgend joar hier in de herberg weer ni-js in de rondte loopt te lollen
Dan is d’r moar één ding wa-j hoeft te doen: De boavenste lippen op mekaar hollen

Henk Greven:

Noa 23 joar nemt Henkie G. vandaag afscheid van zien grote passie
en straks zit hi-j moederziel alleen achter de viskroam te brullen en te huulen as lassie
mensen hol allemoal alvast de zandzakken en een dweil bi-j de hand
d’r is al gewaarschuwd veur overstromingsgevoar as in 1953 in zeeland
Wi-j hopt dan ok dat henk rekkening wil hollen met ons en niet te veul an ut snotteren zal goan
want wi-j wilt vanoavond wel allemoal met dreuge vuuten bi-j Steef in de zaal stoan
Henk, denk d’r goed an: De één kump, de ander geet, dat heurt ok bi-j ut leaven
Don’t cry for me Henkie Greaven!


Weerwoord Jeroen Mast:

De Taliban is ook in Hummelo vannacht door zn hoeven gegaan,
toen het publiek in de krent met de handjes in de zij bleef staan,
Ali Baba de "de Manager" vloog sierlijk door de lucht,
wat volgde was een doffe dreun met een hoop gekerm, gesteun en gezucht.
Jelle, van harte welkom en succes met je nieuwe bielemansbaan.

Kijken we terug naar vorig jaar dan was er hier ook een hoop kabaal
ons begoten drietal ging met een hoop praatjes aan de haal.
Volgens deze snottekukens was het één doffe ellende,
ons dokters huis was in hun ogen, één grote Tokkie bende.
Laat u de volgende informatie maar goed in de oren floepen,
niks tokkiehuis, op Funda is het tot modelwoning voor heel Hummelo uitgeroepen!

Thans zijn er echter veel belangrijkere dingen te zeggen,
2 mannen die na 23 jaar trouwe dienst het bijltje erbij neerleggen

Andries Eggink, de chauffeur van de bielemanswagen,
hij zal na dit jaar niet langer door de straten jagen.
Andries bedankt!

En dan het vertrek van Henkie Greven,
hij heeft na al die jaren kolder een beetje rust in de kop gekregen.
Jij Henk nog altijd een six pack na zoveel bielemans jaren,
daarintegen doet de omvang van jouw twee veertigjarige sidekicks mij ernstig zorgen baren.
Het Grolschbier heeft de heren geen goed gedaan,
nu met Velting op de tap bij Steef zullen de overtollige kilo's er hopelijk snel af gaan.

Henk, na 23 jaar komt er een einde aan jouw passie, een eind aan het bielemansleven
enorm bedankt voor jouw rol in het Hummelse en in ons eigen, nog maar korte kermisleven!

Henkie bedankt! en voor iedereen hier aanwezig: nog een fijne kermisdag toegewenst!

Categorie: Bielemansteksten
Hits: 4856